ត្បូងឃ្មុំ៖ ឯកអគ្គរដ្ឋទូតចិនប្រចាំកម្ពុជា លោក វ៉ាង វិនធៀន បានថ្លែងថាប្រទេសចិននៅតែឈរជាមួយកម្ពុជាជានិច្ចក្នុងការប្រយុទ្ធប្រឆាំងជំងឺកូវីដ-១៩ ជានិច្ច ដោយថាចិននិងផ្ដល់ជំនួយរហូតដល់កម្ពុជាដើម្បីយកឈ្នះជំងឺរាតត្បាតសកលនេះ។ លោកបន្ថែមថាប៉ុន្មានថ្ងៃទៀតចិននឹងបញ្ជូនក្រុមគ្រូពេទ្យទៅក្រៅប្រទេសហើយ ក្រុមគ្រូពេទ្យទី១ នឹងមកកម្ពុជាមុនគេ។
ថ្លែងក្នុងពិធីសម្ពោធដាក់ឱ្យប្រើប្រាស់ជាផ្លូវការនូវមន្ទីរពេទ្យមិត្តភាពកម្ពុជា-ចិនត្បូងឃ្មុំ នៅព្រឹកថ្ងៃទី៧ ខែមីនា ឆ្នាំ២០២២នេះ លោក វ៉ាង វិនធៀន មានជំនឿចិត្តថាកម្ពុជានឹងឈ្នះជំងឺរាតត្បាតកូវីដ-១៩ ហើយថា៖ «ដរាបណាចិននិងកម្ពុជាចាប់ដៃគ្នាគឺគ្មានការលំបាកណាដែលប្រទេសទាំងពីរមិនអាចយកឈ្នះបានទេ»។
លោកបានអបអរសាទរចំពោះសមិទ្ធផលមន្ទីរពេទ្យថ្មីក្នុងខេត្តត្បូងឃ្មុំ ដែលនឹងចូលរួមជួយលើកតម្កើនសុខមាលភាពប្រជាពលរដ្ឋនៅតំបន់ឦសាន្តប្រទេស។ មន្ទីរពេទ្យនេះជាជំនួយឥតសំណងរបស់រដ្ឋាភិបាលចិន ដែលមានតម្លៃ ៥០លានដុល្លារអាមេរិក ទើបតែបញ្ចប់ការសាងសង់នៅចុងឆ្នាំ២០២១កន្លងទៅ៕
